Knolkhol (Bulbawk)

A hming:

Mizo         - Bulbawk

English        - Knolkhol, Kohlrabi

Hindi         - Ganth Gobhi

Botanical name     - Brassica oleracea var Caulorapa DC

2.A tangkainate : Bulbawk hi chawhmeh hrisel tak a ni a. A hming ang bawk hian a kung lei seh chin chunglama lo bawk lian ta vak a hi ei lai ber chu a ni, a no deuh laia seng tur a ni. Gram 100 zela a chaw tha paite chu :

1)Water	90.1 gm
2)Protein	2.1 gm
3)Total Fats	3.1 gm
4)Fibre	1.1 gm
5)Vitamin A	34 IU
6)Chlorine	57 mg
7)Vitamin K	292 mg
8)Vitamin C	53 mg
9)Calcium/td>	26 mg
10)Magnesium	48 mg
11)Iron	0.14 mg
12)Phosphorous	50 mg
13)Carbohydrates	6.7 mg

3.Sik leh sa: Zikhlum leh parbawrte ang bawkin khawvawt leh hnawng tawk a duh a, thlasik lama chin chi a ni .

4.A chi hrang hrangte:A thar hma chi leh tlai chi a awm a. An chin lar deuh deuhte Chu:-

A hma chi - Early white Vienna, Earlies white

A tlai chi - Purple Vienna, Venus of Vienna, Pe Tsai.

5.A chin dan : Zikhlum ang bawkin seed bed siam a, a chi kui tiah tur a ni. A bul bawk hi a no laia ei chi a nih avangin a indawtin kui a tha a. August a tanga November thlengin a kui tiah theih.

6.A chi mamawh zat : Hectare khat hmuna phunsawn atan a chi kg 1- 1½ a tawk.

7.A phunsawn dan : A tiak inches 3-4 vela sang a nihin phunsawn tawk a ni . Thlur ft. 1 danah siamin a thlurah chuan inches 10 zela inhlatin Phun tur a ni.

8.Leitha leh fertilizers : Hectare khat hmunah Bawngek leitha 25 tonnes emaw acre khat a zauah 10 tonnes Knolkhol phunna turah lo chawhpawlh lawk vek tur a ni. Tin, a hnuaia tarlan zat hi fertilizer te pawh pek vek bawk tur a ni.

Thlai Chaw	Mamawh zat	Form	Fertilizer	Mamawh zat
	Kg/Ha		Kg/Ha	Kg/Ha
N	80	Urea	124	50
P2O5	60	DAP	130	52
K2O	60	MOP	100	40

     Fertilizer DAP leh MOP zavai leh Urea zahve hi thlai phun hmain lei nen a cheh pawlh vek tur a ni a. Urea zahve la awm chu thlai Phun atanga kar 4 hnuah phul leh tur a ni.

Bio- Fertilizer : Azotobacter 1 Kg leh Phospotika I Kg tui tamtawk Nen chawhpawlhin Knolkhol tiak Phun sawn turte chu 25-30 minutes chiah tur a ni a. chumi hnuah Phun nghal tur a ni. Hei hi acre khat a zau phun tur chiah nan a hman tawk a ni.

Chinai thi( Slaked lime):Chinai thi hectare khatah 10- 15 qtls. Thlai phun hma ni 15 velah lo thehdarh lawk tur a ni.

Source : Thlasik thlai chin dan

Agriculture Extension Series 33/2007

Department of Agriculture (Crop Husbandry)

Page 20-21